လူကုန်ကူးခံရတဲ့ အမျိုးသမီး ၇ နှစ်ကြာမှ အိမ်ပြန်ရောက်

ဦးတင်အောင်ခိုင်
2019-11-04
အီးမေးလ်
မှတ်ချက်ပေးပါ
Share
ပုံနှိပ်ပါ
တရုတ်နိုင်ငံသို့ လူကုန်ကူးခံခဲ့ရတဲ့ အမျိုးသမီးကို နိုဝင်ဘာလ ၁ ရက်နေ့က မူဆယ်မြို့တွင် မြန်မာဘက်သို့ လွှဲပြောင်းပေးစဉ်။
တရုတ်နိုင်ငံသို့ လူကုန်ကူးခံခဲ့ရတဲ့ အမျိုးသမီးကို နိုဝင်ဘာလ ၁ ရက်နေ့က မူဆယ်မြို့တွင် မြန်မာဘက်သို့ လွှဲပြောင်းပေးစဉ်။
ဓါတ်ပုံ - ကရုဏာ လူမှုကူညီရေးအသင်း - မူဆယ်

တရုတ်နိုင်ငံကို ရောင်းစားခံခဲ့ရတဲ့ မြန်မာအမျိုးသမီးတစ်ဦးကို တရုတ်ရဲနဲ့ လူဝင်မှုကြီးကြပ်ရေး တာဝန်ရှိသူ တွေက မူဆယ်မြို့ကတဆင့် မြန်မာအာဏာပိုင်တွေလက်ထဲ လွှဲပြောင်းပေးခဲ့ပါတယ်။

ဒီအမျိုးသမီးဟာ ပဲခူးမြို့ကဖြစ်ပြီး လွန်ခဲ့တဲ့ ၂ဝ၁၂ ခုနှစ်လောက်ကတည်းက မိခင်ဖြစ်သူနဲ့ ရန်ကုန်ကိုအလာမှာ ညီမဝမ်းကွဲ တော်သူ တစ်ဦးနဲ့အတူ ပျောက်ဆုံးသွားတာပါ။ အဲဒီနောက် ၇ နှစ်အကြာမှာတော့ ခြေထောက် လိမ်ချိုးခံထားရတဲ့အပြင် စိတ်ကျန်းမာရေး ချွတ်ယွင်းနေတဲ့ အဲဒီအမျိုးသမီးကို တရုတ်ရဲတပ်ဖွဲ့က တွေ့ရှိခဲ့ပြီး မြန်မာဘက်ကို လွှဲပြောင်းပေးခဲ့တာလို့ မူဆယ်မြို့ ကရုဏာ လူမှုကူညီရေးအသင်းက ဦးသောင်းထွန်းက ပြောပါတယ်။ တရုတ်ပြည်ဘက်ကို လူကုန်ကူးခံရပြီးနောက် ကလေး လေးယောက် မွေးခဲ့ရတယ်လို့လည်း ဆိုပါတယ်။

အမျိုးသမီးရဲ့ နေရပ်လိပ်စာ မသိတဲ့အတွက် ဓာတ်ပုံကို လူမှုကွန်ရက်စာမျက်နှာ တင်ခဲ့ရာကနေ ပဲခူးမြို့က မိသားစုဝင်တွေ ဆက်သွယ်နိုင်ခဲ့တာ ဖြစ်ပါတယ်။ အတူပျောက်ဆုံးသွားတဲ့ ညီမဝမ်းကွဲ ဆိုသူကိုတော့ ဒီနေ့အထိ ပြန်မတွေ့ရသေးဘူးလို့ သိရပါတယ်။

ကွန်မင့်များ (0)
Share
ဆိုက်တခုလုံးသို့