လာမယ့်လွှတ်တော်သက်တမ်းသစ်အတွင်းမှာ NLD အစိုးရသစ်အနေနဲ့ (၂၀၀၈) ဖွဲ့စည်းပုံအခြေခံဥပဒေပုဒ်မထဲက ပြင်လို့ရတဲ့ပုဒ်မတွေကို အရင်ပြင်ဖို့နဲ့ တပ်မတော်သား ကိုယ်စားလှယ်တွေမပါဘဲ ကိုယ်စားလှယ် (၅၀) ရာခိုင်နှုန်းကျော်နဲ့ ပြင်လို့ရတဲ့ ပုဒ်မတွေရှိတယ်လို့ ကရင်အမျိုးသားအစည်းအရုံး KNU အထွေထွေ အတွင်းရေးမှူး ပဒိုစောတာဒိုမှူးက ပြောပါတယ်။
အပြင်ဈေးကွက်တွေမှာ ရောင်းချနေပြီး၊ စမ်းသပ်စစ်ဆေးနေတဲ့ ကိုရိုနာဗိုင်းရပ်စ် စစ်ဆေးတဲ့ Test Kit တွေက အာမခံချက်မရှိဘဲ ရောဂါပျံ့နှံ့စေတဲ့ အန္တရာယ် ပိုရှိစေတာကြောင့် မစစ်ဆေးကြဖို့နဲ့ အဲဒီလိုစစ်ဆေးပေးတဲ့ ဆေးခန်းတွေကိုလည်း ပိတ်သိမ်းတဲ့အထိ အရေးယူထားတယ်လို့ ရန်ကုန်တိုင်းဒေသကြီး ပြည်သူ့ကျန်းမာရေးနဲ့ ကုသရေးဦးစီးဌာနမှူး ဒုတိယညွှန်ကြားရေးမှူးချုပ် ဒေါက်တာထွန်းမြင့်က ပြောလိုက်ပါတယ်။
၂၀၂၀ ရွေးကောက်ပွဲမှာ အနိုင်ရခဲ့တဲ့ ရှမ်းပြည်နယ်က အမျိုးသားလွှတ်တော် ကိုယ်စားလှယ် ဦးထိုက်ဇော် သေနတ်နဲ့ပစ်ခတ်ခံရလို့ သေဆုံးခဲ့တဲ့ဖြစ်ရပ်အတွက် ဘယ်သူ့ကိုမှ အမုန်းမပွားသလို အမှုဖွင့်တာလည်း မလုပ်လိုဘူးလို့ ဦးထိုက်ဇော်ရဲ့ ဇနီး ဒေါ်ဥမ္မာထွေးက ပြောပါတယ်။
လက်ရှိ အစိုးရသက်တမ်းအတွင်း ဆောင်ရွက်ခဲ့တဲ့ အခြေအနေတွေနဲ့ ပတ်သက်ပြီး ဝန်ကြီး ဦးဝင်းဌေးကို RFA သတင်းထောက် ကိုစိုးသိမ်းက တွေ့ဆုံမေးမြန်းထားပါတယ်။
NLD အစိုးရ နောက်ထပ် သက်တမ်းအတွင်း ပြည်တွင်းငြိမ်းချမ်းရေးအခြေအနေတွေ အကောင်းဘက် အပြောင်းအလဲဖြစ်လာနိုင်တယ်လို့ ပြန်ကြားရေးဝန်ကြီးဟောင်း ဦးရဲထွဋ်က သုံးသပ်လိုက်ပါတယ်။
ကျောက်မဲနဲ့ နောင်ချိုမြို့နယ်တွေပါတဲ့ ရှမ်းပြည်နယ်၊ အမျိုးသားလွှတ်တော် မဲဆန္ဒနယ်အမှတ် (၁) ဟာ ပြီးခဲ့တဲ့ ရွေးကောက်ပွဲတွေမှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီက ရွေးကောက်ပွဲအောင်ခဲ့တဲ့ နေရာဖြစ်ပေမယ့် ၂၀၂၀ အထွေထွေရွေးကောက်ပွဲမှာ NLD ပါတီက အနိုင်ရခဲ့ပြီး SNLD က လက်လွှတ်ခဲ့ရတဲ့ တစ်ခုတည်းသောနေရာလည်း ဖြစ်ပါတယ်။
NLD ပါတီက အနိုင်ရ အမျိုးသားလွှတ်တော် ကိုယ်စားလှယ် ဦးထိုက်ဇော် လုပ်ကြံခံရတာ၊ မြို့နယ်ကော်မရှင်ဥက္ကဋ္ဌ နေအိမ် သေနတ်နဲ့ ပစ်ခတ်ခံရတာတွေဟာ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီကရရှိတဲ့ မဲလေးရာကျော်ကို မြို့နယ်ကော်မရှင်က ပယ်မဲအဖြစ်နဲ့ လုပ်ခဲ့တဲ့အပေါ် မကျေနပ်လို့ အခုလိုသေနတ်နဲ့ပစ်တာဆိုပြီး လူမှုကွန်ရက် ဖေ့စ်ဘွတ်စာမျက်နှာပေါ်မှာ ပျံ့နေပါတယ်။
