ကချင်ဘာသာ ဗီဒီယိုအစီအစဉ်

ကချင်ပြည်နယ်မှာ NLD နဲ့ ပြည်နယ်ပါတီ ဘာကိုရွေးမလဲ

ကချင်ပြည်နယ်မှာ NLD နဲ့ ပြည်နယ်ပါတီ ဘာကိုရွေးမလဲ၊ ကချင်အဖွဲ့ဦးဆောင်တဲ့ တိုကျိုမြို့က မြန်မာအစိုးရ ဆန့်ကျင်ရေးဆန္ဒပြပွဲ စတဲ့အကြောင်းအရာတွေကို ဦးနော်ဒင်းက စုစည်းတင်ဆက်ထားပါတယ်။

ကရင်နီဘာသာ ဗီဒီယိုအစီအစဉ်

လွိုင်ကော်က နှာခေါင်းစည်း စနစ်တကျစွန့်ပစ်ရေး ကမ်ပိန်း

ကယားပြည်နယ်မှာ COVID-19 အတည်ပြု လူနာ သုံးဦးထပ်တွေ့ခဲ့တဲ့သတင်း၊ နှာခေါင်းစည်းတွေကို စနစ်တကျစွန့်ပစ်ဖို့ ကမ်ပိန်းတခု လွိုင်ကော်မှာ လုပ်ခဲ့တဲ့အကြောင်း စတာတွေနဲ့အတူ ခဲသတ္တု သန့်စင်စက်ရုံ တည်ဆောက်ရေးနဲ့ KySDP ကိုယ်စားလှယ်လောင်းတွေရဲ့ အမြင်အကြောင်း သတင်းဆောင်းပါးကို တင်ဆက် ထားပါတယ်။

ကရင်ဘာသာ ဗီဒီယိုအစီအစဉ်

ကရင်ကိုယ်စားလှယ်လောင်းတွေနဲ့ ကရင်ပါတီတွေကိုပဲ မဲပေးဖို့ KNU တိုက်တွန်း

ကရင်တိုင်းရင်းသားကိုယ်စားလှယ်လောင်းတွေနဲ့ ကရင်ပါတီတွေကိုပဲ မဲပေးရွေးချယ်ကြဖို့ ကရင်အမျိုးသား အစည်းအရုံး KNU က တိုက်တွန်းလိုက်တဲ့ သတင်းနဲ့အတူ ကရင်လူမျိုး ကိုယ်စားလှယ်တွေ လွှတ်တော်ထဲမှာ နေရာရဖို့ ကရင်တိုင်းရင်းသား ကိုယ်စားလှယ်လောင်းတွေနဲ့ ကရင်ပါတီတွေ မဲအနိုင်ရရှိဖို့က အရေးကြီးတယ်လို့ KNU ကရင်အမျိုးသား အစည်းအရုံး ဗဟိုကော်မတီဝင် ပဒိုစောတောနီးက ပြောလိုက်တဲ့ အကြောင်းကို တင်ဆက် ထားပါတယ်။

ချင်းဘာသာ ဗီဒီယိုအစီအစဉ်

ပလက်ဝကို ဆန်အိတ် ၁၇ဝဝ ပေးပို့နိုင်ပြီလို့ ချင်းအစိုးရအဖွဲ့ပြော

ဆောက်လုပ်ဆဲ ဆူရ်ဘုန်လေဆိပ်ကွင်းမှာ လေယာဉ်ဆင်းသက်ပျံသန်းမှုကို အောက်တိုဘာလ နောက်ဆုံးအပတ်မှာ ပြုလုပ်သွားမယ့်အကြောင်း၊ ဆန်ပြတ်လပ်နေတဲ့ ပလက်ဝကို ဆန်အိတ်ပေါင်း ၁၇၀၀ ပေးပို့နိုင်ပြီလို့ ချင်းပြည်နယ် အစိုးရအဖွဲ့က ပြောလိုက်တဲ့ သတင်းနဲ့အတူ NLD ပါတီ ဟားခါးမြို့နယ် ပြည်သူ့လွှတ်တော် ကိုယ်စားလှယ်လောင်း ဦးတီအဲန်လိန်းနဲ့ တွေ့ဆုံ မေးမြန်းခန်းကို တင်ဆက် ထားပါတယ်။

ရှမ်းဘာသာ ဗီဒီယိုအစီအစဉ်

ရွေးကောက်ပွဲမှာ မဲပေးခွင့် ဆုံးရှုံးတော့မယ့် ရှမ်းလူထု

ကိုဗစ်ကာကွယ်ရေးအတွက် UWSA က မြန်မာနိုင်ငံ ငြိမ်းချမ်းရေးနဲ့ အမျိုးသား ပြန်လည်သင့်မြတ်ရေး ဗဟိုဌာနကို ငွေကျပ် သိန်းနှစ်ထောင် လှူဒါန်းခဲ့တဲ့သတင်း၊ ရွေးကောက်ပွဲ လုံခြုံရေးအတွက် ရှမ်းပြည်အနှံ့ မြို့နယ်တွေမှာ အထူးရဲသင်တန်းတွေ ပေးနေတဲ့ သတင်း၊ ကျေးရွာအုပ်စု ၁၃၄ အုပ်စုကို ရွေးကောက်ပွဲကျင်းပခွင့် နယ်မြေကနေ ပယ်ဖျက်ထားလို့ ရှမ်းလူထု သိန်းဂဏန်း မဲပေးခွင့် ဆုံးရှုံးရတော့မယ့် အကြောင်း၊ မြန်မာနိုင်ငံမှာ ၂၀၁၉ ခုနှစ်အတွင်း စစ်ဘေးဒုက္ခသည် ၃ သိန်း ၆ သောင်းကျော် ရှိနေတယ်လို့ UNHCR အစီရင်ခံစာ ထုတ်ပြန်တဲ့ သတင်း စတာတွေနဲ့အတူ ရှမ်းပြည်တပ်မတော် RCSS/SSA ခေါင်းဆောင် ဗိုလ်ချုပ်ကြီး ယွက်စစ်နဲ့ တွေ့ဆုံ မေးမြန်းခန်းကို တင်ဆက်ထားပါတယ်။

မွန်ဘာသာ ဗီဒီယိုအစီအစဉ်

၂၀၁၅ အတွေ့အကြုံနဲ့ ၂၀၂၀ မျှော်လင့်ချက်

ခရိုင်ကော်မတီဝင်တစ်ဦး ပစ်သတ်ခံရပြီးနောက် မွန်ပြည်သစ်ပါတီ ကြေညာချက် ထုတ်ပြန်ခဲ့တဲ့ အကြောင်း သတင်းနဲ့အတူ “၂၀၁၅ အတွေ့အကြုံနဲ့ ၂၀၂၀ မျှော်လင့်ချက်” အစီရင်ခံစာ ပြုစုရေးသားသူ နိုင်ကဆော့မွန်နဲ့ တွေ့ဆုံ မေးမြန်းချက်ကို တင်ပြ ထားပါတယ်။

ရခိုင်ဘာသာ ဗီဒီယိုအစီအစဉ်

ရခိုင်ပြည်သူ ၁၂သိန်းကျော် မဲပေးခွင့်ဆုံးရှုံး

ရခိုင်ပြည်သူ ၁၂သိန်းကျော် မဲပေးခွင့်ဆုံးရှုံးတဲ့အကြောင်း၊ ရခိုင်တောင်ပိုင်းမှာ ANP ပါတီ အင်အားထောင်နဲ့ချီမဲဆွယ်တဲ့အကြောင်း၊ အကျဉ်းသားလဲဖို့ AAရဲ့ ကမ်းလှမ်းချက်ကို NLD ကလက်မခံတဲ့အကြောင်း စတဲ့ ရခိုင်ဒေသ နောက်ဆုံးအခြေအနေတွေကို ကိုမင်းမင်းက စုစည်းတင်ဆက်ထားပါတယ်။

ဆိုက်တခုလုံးသို့