ကချင်ဘာသာ ဗီဒီယိုအစီအစဉ်

ရှမ်းပြည်မြောက်ပိုင်းမှာ အစိုးရတပ်နဲ့ KIA စစ်ရေးတင်းမာနေ

ကချင်ပြည်နယ် Covid-19 အခြေအနေ၊ ရှမ်းပြည်နယ်မြောက်ပိုင်းမှာ အစိုးရတပ်နဲ့ KIA စစ်ရေး တင်းမာနေတဲ့အကြောင်း၊ KIO နဲ့ လူထု တွေ့ဆုံပွဲ သတင်းတွေအပြင် ပညာရေးဝန်ကြီးဌာနက ၂၀၂၀-၂၀၂၁ ပညာသင်နှစ်အတွက် ပြဋ္ဌာန်းလိုက်တဲ့ သတ္တမတန်း ပထဝီဖတ်စာအုပ်မှာ ကချင်အမျိုးသားတွေရဲ့ သမိုင်းနဲ့ ကချင်မျိုးနွယ်စု အမည် အခေါ်အဝေါ်တွေ မှားနေတာကို ပြင်ဆင်ပေးဖို့ ကချင် အဖွဲ့အစည်းကြီးနှစ်ဖွဲ့က တောင်းဆိုလိုက်တဲ့ အကြောင်းတွေကို နားဆင်ရမှာပါ။

ကရင်နီဘာသာ ဗီဒီယိုအစီအစဉ်

ကြေးကွင်းပတ်ကယန်းလူမျိုးစုနဲ့ Community Center

တောင်သူတွေကို ပြစ်ဒဏ်ထပ်မံချဖို့ စစ်တပ်က ပြင်ဆင်ချက်တက်တဲ့ သတင်း၊ ပြည်နယ်အစိုးရက စက်ယန္တရားဌားရမ်းခတွေကို အလွဲသုံးစားလုပ်တာတွေရှိနေတယ်ဆိုတဲ့ သတင်းနဲ့အတူ ကြေးကွင်းပတ်ကယန်းလူမျိုးစုအတွက် Community Center ဆောက်လုပ်ပေးမယ့် အစီအစဥ် အခုထိ မစတင်နိုင်သေးတဲ့အကြောင်း သတင်းဆောင်းပါးတွေကို တင်ဆက်ထားပါတယ်။

ကရင်ဘာသာ ဗီဒီယိုအစီအစဉ်

မုန်းမြို့နယ်က COVID-19 ကာကွယ်ရေး အသိပညာပေးပွဲများ

ညောင်လေးပင်ခရိုင် မုန်းမြို့နယ်က ကျေးရွာ ၂၄ ရွာမှာ COVID-19 ကူးစက်ရောဂါကာကွယ်ရေး အသိပညာပေးပွဲတွေ ပြုလုပ်ခဲ့တဲ့သတင်းနဲ့အတူ ကာလဝမ်းရောဂါ ကြိုတင်ကာကွယ်နိုင်ရေးအတွက် ဘားအံခရိုင် လှိုင်းဘွဲမြို့နယ် ထီးသေခီရွာမှာ Karen Unity Hope Networkနဲ့ ပူးပေါင်းအဖွဲ့တွေက ရေသန့်စင်စက်နဲ့ ရေတိုင်ကီ လှူဒါန်းခဲ့ကြတဲ့ အကြောင်းတွေကို တင်ဆက်ထားပါတယ်။

ချင်းဘာသာ ဗီဒီယိုအစီအစဉ်

တီးတိန်က Covid-19 လူနာအမှတ်၂၀၀နဲ့၂၀၁ ဆေးရုံက ဆင်းခွင့်ရ

ချင်းပြည်နယ် ဆူရ်ဘုန်လေဆိပ်မှာ ဇွန်၂၅ ကနေ ၂၇ ရက်အထိ လေယာဉ်စမ်းသပ်ပျံသန်းခဲ့တဲ့ သတင်း၊ တီးတိန်ဆေးရုံက Covid-19 လူနာအမှတ်၂၀၀ နဲ့ ၂၀၁ တို့ ရောဂါပိုး မတွေ့တော့တာကြောင့် ဆေးရုံက ဆင်းခွင့်ရသွားကြတဲ့ သတင်း၊ ၂၀၂၀ ရွေးကောက်ပွဲမှာ ချင်းအမျိုးသားဒီမိုကရေစီအဖွဲ့ချုပ် (CNLD)ကနေ ဖလမ်းမြို့နယ် ကိုယ်စားပြု ဝင်ရောက်ယှဉ်ပြိုင်မယ့် ဆလိုင်းငယ်ပီးထျန်းအုပ်ထန်းနဲ့ တွေ့ဆုံမေးမြန်းခန်း စတာတွေကို တင်ဆက်ထားပါတယ်။

ရှမ်းဘာသာ ဗီဒီယိုအစီအစဉ်

ရှမ်းပြည်နယ်တဝိုက်မှာ ကမ္ဘာ့မူးယစ်ဆေးဝါး တိုက်ဖျက်ရေးနေ့ ကျင်းပ

ရှမ်းပြည်နယ်တဝိုက်မှာ ကမ္ဘာ့မူးယစ်ဆေးဝါးတိုက်ဖျက်ရေးနေ့ ကျင်းပခဲ့တဲ့ သတင်း၊ ရှမ်းပြည်နယ်အတွင်း အဆိပ်ရှိမှို စားမိလို့ ဇွန်လထဲမှာ လူ ၁၀ဦးထက်မနည်း သေဆုံးခဲ့တဲ့သတင်းနဲ့အတူ ရှမ်းပြည်အရှေ့ပိုင်းနဲ့ မြောက်ပိုင်းက အစိုးရတပ်မတော်နဲ့ RCSS/SSA တို့ကြားက စစ်ရေးအခြေအနေတွေကို စိုင်းမိဏ်းနဲ့အတူ နန်းယေ့ဟွမ်နဲ့ စိုင်းယီဖုန်းက တင်ဆက်ပေးထားပါတယ်။

မွန်ဘာသာ ဗီဒီယိုအစီအစဉ်

ဓနိကြားစံပြရွာသစ် တည်ဆောက်ရေး ကန့်ကွက်ခံနေရ

MCL ဘိလပ်မြေစက်ရုံက ကျောက်မိုင်းခွဲတဲ့လုပ်ငန်း ရပ်ဆိုင်းလိုက်တယ်ဆိုတဲ့ သတင်းနဲ့အတူ ဓနိကြားစံပြရွာသစ် တည်ဆောက်ရေး ကန့်ကွက်ခံနေရတဲ့ အကြောင်း သတင်းဆောင်းပါးကို တင်ဆက်ထားပါတယ်။

ရခိုင်ဘာသာ ဗီဒီယိုအစီအစဉ်

တပ်မတော်ရဲ့ မောင်းသူမဲ့ ကင်းထောက် လေယာဉ်တစ်စီး AA သိမ်းဆည်းမိ

စစ်တွေမှာ ကိုရိုနာဗိုင်းရပ်စ် အတည်ပြုလူနာတစ်ဦး တွေ့ရတဲ့သတင်း၊ နယ်မြေရှင်းလင်းရေး လုပ်ဖို့ တပ်မတော်က ကြေညာတဲ့သတင်းနဲ့ အင်တာနက်လိုင်းတွေ ပြန်ဖွင့်ဖို့ တောင်းဆိုသူတွေ အမှုဖွင့်ခံရတဲ့အပေါ် မေးခွန်းထုတ်နေတဲ့အကြောင်း သတင်းပေးပို့ချက်တွေကို မြန်မာဘာသာ စာတန်းထိုးနဲ့ တင်ပြထားပါတယ်။

ဆိုက်တခုလုံးသို့